En Murcia detectouse un novo gromo con 53 positivos no hospital Virgen del Alcázar de Lorca. Os tres primeiros casos detectábanse o xoves, tras un cribado en que deron positivo un total de 15 sanitarios e 38 pacientes, a maioría de idades avanzadas.

"Foi un pouco sorpresa atopar tantos casos. Aquí os pacientes que deron positivo son pacientes maiores, fráxiles, pluripatolóxicos, pero non sospeitabamos sintomatoloxía covid específica".

Lorca leva xa 21 días de confinamento do núcleo urbano. Diego José Mateos, alcalde de Lorca: "O que si está claro é que este gromo de 53 casos non vai axudar ao levantamento do confinamento, o que non sabemos é se será moi determinante, porque o foco está moi localizado".

Na última semana conseguiran conter a curva de contaxios cunha media de 45 casos ao día, polo que na localidade esperaban que este luns se levantasen as restricións.