Novo achado do buque oceanográfico Ángeles Alvariño en augas de Tenerife, onde traballa na procura da pequena Anna e do seu pai Tomás Gimeno. Desta volta atopou un obxecto metálico cun vulto difuso xusto na zona onde se centra a busca.

A hipótese coa que traballa a investigación é que o presunto asasino puido amarrar un cinto de chumbo para ir ao fondo do mar e acabar coa súa vida. Este xoves coñeciamos a nova da localización de dúas botellas de mergullo a máis de mil metros de profundidade pertencentes a Gimeno.

As botellas, que son de aluminio e de pequeno tamaño, segundo as sospeitas, puideron servirlle para provocar a súa morte.