Non haberá traiñeiras galegas na final feminina da Bandeira da Concha. A que estivo máis preto foi Cabo da Cruz, pero o equipo de Boiro quedou a dez segundos de pasar o corte das sete primeiras. Tampouco puideron entrar entre as elixidas Tirán e Chapela. Lembren que en Galicia as mulleres compiten a catro longos e no País Vasco só a dous, circunstancia que, consideran as remeiras, prexudica os nosos equipos.