En Lugo un dos momentos máis emotivos do Venres Santo é o da celebración duns dos oficios máis importantes da Semana Santa.

Os fregueses seguen a bicar os pés do Cristo que foi desencravado nesta igrexa dos pais Franciscanos da Praza maior de Lugo. Este é un dos actos máis destacados da Semana Santa na cidade das Murallas e ten a particulariedade de que no canto de saír en procesión, se celebra sempre no interior do templo.

Centos de fregueses e turistas acudiron un ano máis presenciar o Desencravo de Xesús na igrexa dos franciscanos de Lugo. Os confrades descenderon a imaxe articulada do Cristo para poñer fin ao seu padecemento mentres un dos irmáns lía unha prédica na que lembraba o martirio do fillo de Deus e tiña unha lembranza para a catedral de Notre Dame que ardeu esta semana.

A cerimonia do desencravo é a máis antiga de todas as penitenciarias da semana santa luguesa e celébrase de xeito ininterrompido dende hai 67 anos.

Os membros da confraría agradecen a resposta dos fregueses.

A indumentaria dos membros da Confraría do Desencravo tamén é moi diferente da do resto de oficios relixiosos que teñen lugar na semana santa de Lugo.

Ademais, o relevo xeracional semella estar garantido porque entre os confrades hai moitos mozos e mozas.

O Venres Santo lugués pecha coa procesión das Caladiñas dende a capela da Praza da Soidade.