A compañía Nestlé retirou dos supermercados algúns lotes de 46 variedades de xeados pola presenza dun ingrediente contaminado. Trátase do óxido de etileno, un axente potencialmente canceríxeno que se emprega como anticonxelante e que está prohibido na Unión Europea.

O fabricante ofrece na súa páxina web un formulario para que os consumidores tecleen os seis primeiros díxitos do lote do xeado que adquirisen para saber se pode estar contaminado. A multinacional sinala, con todo, que "é moi pouco probable que supoña un risco para a saúde".