O Blue Star quedará finalmente na ría de Ferrol para ser reparado dos danos producidos no casco tras quedar encallado na costa de Ares o pasado 22 de novembro.

Os técnicos de Navantia inspeccionaron nas últimas horas o buque que está atracado no peirao interior de Ferrol, á espera de pasar ás instalacións do estaleiro. A armadora do buque chegou a un principio de acordo con Navantia, con quen agora negocia os termos do contrato.

Segundo puido saber a Televisión de Galicia, a empresa está completando os trámites administrativos para a sinatura do contrato.