E seguimos na cociña, pero para falarlles agora dun grupo de cociñeiros que decidiron unirse co obxectivo de promocionar Ourense como destino turístico gastronómico. Defenden unha dieta atlántica do interior, elaborada con produtos locais e de tempada. Pratos onde a calidade e a innovación van da man. Entre os seus retos está incorporar a auga das Burgas ao receitario.