Sofre a hostalería de Mos. As restricións afectan directamente os seus negocios, máis nun momento no que comezan as celebracións típicas desta época do ano.

Mentres a hostelería da maior parte dos concellos galegos comeza a respirar, en Mos só están abertos os establacementos para servir a domicilio e recoller.

Os mosenses viven a súa segunda semana con peche perimetral, toque de recollida e as reunións limitadas aos conviventes.

O gromo comezou nun instituto e nos últimos catorce días houbo 95 novos contaxios e a taxa de incidencia no municipio elévase aos 631 casos por cada cen mil habitantes, a máis alta de Galicia.

O dato positivo vémolo nos contaxios dos últimos sete días, que baixan dos corenta aos trinta e tres.