Unha persoa faleceu esta noite no lugar de Fonsín na parroquia de Baión, no concello de Vilanova de Arousa, segundo informa Emerxencias de Galicia.

Ao parecer, o tráxico suceso produciuse ao caerlle enriba o vehículo que trataba de arranxar.  Todo indica que cedeu o gato co que suxeitaba o turismo mentres traballaba nel no patio traseiro da súa casa na pequena aldea de Fonsín.

Ata o lugar acudiron os servizos sanitarios, os bombeiros de Vilagarcía, axentes da Garda Civil e da Policía Local, que se fixeron cargo das investigacións para determinar as causas do accidente.

#AXEGAInforma de que unha persoa faleceu no lugar de Fonsín, parroquia de Baión, no concello pontevedrés de Vilanova de Arousa, tras caerlle enriba o vehículo que trataba de arranxar. Ata o lugar acudiron os sanitarios, #BombeirosVilagarcía, @guardiacivil e Policía Local. pic.twitter.com/k35I1y0okv

— 112Galicia (@112Galicia) September 12, 2021