CRTVG

Buscar

Morre un neno de 11 anos tras caer do sexto andar dun edificio en Vigo

Publicado o 11/01/2021 19:27

A Policía Nacional investiga as circunstancias que rodean a morte dun neno de 11 anos que caeu este luns por un patio de luces dun edificio de seis plantas en Vigo. A investigación, aínda pendente de pecharse, apunta á hipótese dunha morte accidental, sinalan fontes policiais. 

O suceso produciuse sobre as 17.30 horas dun inmoble da avenida de Castrelos, tras o cal varios particulares chamaron ao centro de atención de emerxencias de Galicia 112. Urxencias Médicas desprazou ao momento un equipo médico, que non puido evitar a morte do mozo.

Profesionais do grupo de intervención psicolóxica en catástrofes foron mobilizados para prestar atención especializada á familia da vítima.