Un home de 72 anos morreu esta tarde en Cee ao quedar atrapado baixo o seu tractor. Ocorreu no lugar de Fadibón, da parroquia de Brens. O home saíra á primeira hora da mañá e ía rozar co tractor unha leira próxima á vivenda.

Ao ver que tardaba en regresar á casa para xantar, a familia saíu a buscalo. Foi unha neta quen atopou o cadáver contra as dúas da tarde. A leira non estaba apenas limpa, o que fai sospeitar que o fatal accidente ocorreu ao pouco de comezar o traballo.

AXEGAInforma dun home que perdeu a vida ao quedar atrapado debaixo do tractor que manexaba nunha finca en Cee. Foi necesaria a intervención dos Bombeiros da localidade para liberar á vítima. Tamén acudiron: os servizos sanitarios, o GES de Cee, a @guardiacivil e PolicíaLocal. pic.twitter.com/AuuV7VvBKb

— 112Galicia (@112Galicia) June 26, 2020