Unha muller de 70 anos morreu afogada na piscina dunha casa particular en Pazos, na parroquia pontevedresa de Marcón, segundo informa o 112 Galicia. De momento, descoñécense as circunstancias do sucedido.

Foron os profesionais de urxencias sanitarias quen alertaron do suceso sobre as 21:30 horas deste luns e solicitaron axuda para sacar da auga o cadáver da muller.

Foron mobilizados os Bombeiros de Pontevedra, Policía Nacional e Local e membros de Protección Civil da localidade.

#AXEGAInforma dunha muller que faleceu afogada nunha piscina en #Pontevedra. Ao lugar acudiu un equipo de Urxencias Sanitarias de Galicia-061, pero nada puideron facer por salvarlle a vida. Colaborou a Policía Local, Bombeiros de Pontevedra e @policia pic.twitter.com/D0XggtWqIu

— 112Galicia (@112Galicia) July 20, 2020