Aplausos na entrada do cadaleito co corpo de Raffaella Carrá no funeral deste venres na igrexa romana de Santa María in Aracoeli. Un funeral discreto, e medido ao milímetro para cumprir a última vontade da diva italiana. Discreto e sinxelo tamén o féretro de madeira sen ningún tipo de ornamentación por expreso desexo dela.

O encargado de oficiar a misa o sacerdote e amigo da artista Simone Castaldi que recordou a súa profunda fe. El e a súa exparella e compañeiro ata os últimos días, Sergio Japino, foron os encargados dunha cerimonia que se restransmitiu en directo pola primeira canle da televisión pública italiana. Millóns de fans déronlle o último adeus desde as casas e desde toda Italia.

Entre risas contaba este cómico dun monicreque que formaba parte dun programa satírico que se emitía cando ela traballaba en España, que cando o viu riuse moito e dixo, 'mira, marcho de Italia e fanme un monicreque'.

Máis aplausos para unha vida de aplausos. A que rematou hai uns días aos 78 anos, a mesma que deixou dito que as súas cinzas repousen nun monte fronte ás costas toscanas. Máis aplausos e máis cancións no día do seu funeral. As súas derradeiras vontades.