É a primeira vez en dous meses que en España se rexistran menos de cen mortos nun día. Con este dato, Pedro Sánchez mantivo unha videoconferencia, a décima semana consecutiva, cos presidentes autonómicos.

Foron varios os mandatarios que insistiron na necesidade de regular o uso das máscaras, e o Goberno anunciou que nos vindeiros días aprobará a obriga de usalas en lugares públicos.

O ministro de Sanidade non dará máis detalles ata que a orde estea pechada. Foi uns dos temas centrais da xuntanza. Nela, os líderes autonómicos esixiron a Sánchez que fixe xa os criterios para o reparto dos 16.000 millóns de euros.