O Camiño de Santiago é o reclamo estrela neste Xacobeo, pero tamén son moitos os que se achegan ata o noso litoral. Medio milleiro de persoas foron esta fin de semana ata as illas Cíes, outro dos grandes reclamos de Galicia e punto forte para recuperar o número de visitantes da comunidade de antes da pandemia.

Queda por diante un verán con protocolos de seguridade e hixiene para comprobar se todo pode regresar a unha certa normalidade e os turistas se animan a visitar as Cíes e outros lugares de Galicia.