En San Sebastián comezou a edición número 126 da Bandeira da Concha. Foi unha das xornadas máis rápidas da historia. Hondarribia fixo o mellor tempo pero Santurce e Ziérbena afrontarán a segunda xornada a menos de cinco segundos. As dúas traiñeiras galegas, Cabo e Ares, ocuparon as dúas últimas posicións. O vindeiro domingo loitarán por mellorar ese resultado.

En categoría feminina Chapela defendeu o remo galego. Tamén acabou na oitava posición, a 26 segundos do equipo de Arraun, que marcou o mellor tempo.