Distribuídos en grupos, os mariscadores limpan de residuos dous quilómetros da costa do estuario do Tambre dividido en 6 zonas. Unha limpeza que forma parte do proxecto Econoia co obxectivo de manter os bancos marisqueiros no mellor estado.

"A derradeira limpeza que estamos a facer na contorna dos bancos marisqueiros, en que participan 170 persoas, e na que se recollen os residuos, se clasifican e se inventaria todo o lixo", di Liliana Solís Pais, biológa da confraría de pescadores de Noia.

Lixo de toda índole tirado ao mar e que as mareas van arrastrando á liña de costa. "Plástico cristais, pneumáticos, un pouquiño de todo, hai moita porquería". "Uf podes a topara de todo o que imaxines, motores, embarcacións, plastico...",  din os mariscadores. 

Materia que outro grupo vai seleccionando e clasificando na explanada de Seilán. Os datos e as imaxes falan por si sós. Nas 8 limpezas anteriores realizadas neste proxecto 2020-2021 recolleron un total de 44.439 quilos de residuos.