Dous equipos galegos, o Baxi Ferrol e o Celta Zorka, comezan mañá en Leganés a fase de ascenso á máxima categoría do baloncesto feminino. 

O Baxi Ferrol quere completar a temporada perfecta. Chega invicto. Gañou todos os partidos da liga regular. Agora, no seu grupo da fase de ascenso, terá como rivais o Maresme catalán e o Jairis de Murcia. O primeiro clasificado pasará ás semifinais. As xogadoras ferrolás queren fuxir do cartel de favoritas.