CRTVG

Buscar

Máis de 10.000 persoas participan en protestas multitudinarias en Bogotá

Publicado o 16/05/2021 16:55

Unha nova xornada de protestas contra o goberno de Colombia que sacoden o país desde hai 15 días congregou en diferentes puntos de Bogotá polo menos 10.000 persoas.

Mentres, a cidade de Popayán converteuse noutro foco da rebelión cidadá tras o suicidio dunha moza de 17 anos que denunciou que sufriu abusos sexuais por parte dun grupo de policías. O Defensor do Pobo de Colombia cualificou de inaceptable o que sucede no departamento do Cauca, con gravísimos abusos policiais e mesmo agresións sexuais ou a destrución de evidencias con actos de terrorismo contra a sede da Fiscalía e de Medicina Legal.

Este domingo está prevista unha reunión entre o goberno colombiano e o comité de paro nacional.

A concentración máis multitudinaria celebrouse ante o monumento ao Heroes que se desenvolveu de xeito pacífico ata que actuou a policía debido a que un grupo de manifestantes causou un incendio. Medios colombianos cifran en 20.000 os asistentes a esta concentración.
 

Noticias web

16/05/2021