A Comunidade de Madrid enviou a súa proposta ao Executivo central para o peche perimetral da autonomía soamente para as dúas pontes de novembro e afirma que recibiu a súa autorización, segundo apuntan fontes do Goberno rexional.

O Executivo persidido por Isabel Díaz Ayuso cualifica de "vitoria" o feito de que poidan seguir adiante co peche e subliña que o apremaron a que publique a medida "canto antes". Deste xeito, os sete días que recolle o decreto dividiranse entre as pontes de Todos os Santos e a Almudena. 

Con todo, o vindeiro mércores 4 de novembro o Consello Interterritorial do Sistema Nacional de Saúde establecerá "os criterios de aplicación relativos á eficacia das medidas que adopten as comunidades", entre elas, "a temporalidade das medidas a sete días". 

Namentres, segundo avanzan fontes do Ministerio de Sanidade, "seguen vixentes as medidas de restrición perimetral adoptadas polas distintas comunidades cara a esta fin de semana".