O rally de Ferrol será a terceira e última proba que teña lugar en Galicia esta temporada. Luis Vilariño chega a unha das citas máis complicadas do ano preparado e con moitas ganas "de volver correr diante da afección galega, que é a mellor".

Por isto, o obxectivo non pode ser outro que estar preto do podio por ser "rallys que xa corrín, gañei dúas veces o de Narón que non son os mesmos tramos pero similares", comentou confiado o de Palas de Rei.

Incluso antes da cita desta fin de semana, Vilariño xa mira máis alá e pensa que en Ferrol poderá preparar o seu seguinte obxectivo marcado no calendario: o rally da República Checa.