A ata o de agora portavoz de Ciudadanos no Parlament, Lorena Roldán, anunciou este mércores por sorpresa a súa fichaxe polo PP, en vésperas das eleccións catalás do 14 de febreiro.

Roldán, que gañou as primarias de Cs e que o pasado verán foi apartada pola dirección como candidata á Generalitat para poñer no seu lugar a Carlos Carrizosa, protagonizará esta mañá un acto titulado 'Sumando por Cataluña', xunto ao cabeza de lista do PP por Barcelona, Alejandro Fernández.

Ela mesma confirmou a fichaxe en Twitter: "Hoxe finalizo a miña etapa en Cs. Unha decisión difícil, pero moi meditada. O meu compromiso coa liberdade e a convivencia segue igual de vivo que o primeiro día e, por iso, quero anunciar que seguirei defendendo eses valores desde o proxecto de Alejandro Fernández".

Hoy finalizo mi etapa en Cs. Una decisión difícil pero muy meditada. Mi compromiso con la libertad y la convivencia sigue igual de vivo que el primer día y, por eso, quiero anunciar que seguiré defendiendo esos valores desde el proyecto de @alejandroTGN. Gracias por la confianza. pic.twitter.com/CSoKMCNWWK

— Lorena Roldán (@Lroldansu) December 30, 2020