Localizan nun motel de Ourense un fuxido da xusticia con droga valorada en cinco mil euros. Os axentes da Garda Civil aproveitaron que o detido estaba aloxado no establecemento para actuar.

Collérono con preto de cen gramos de varias drogas, entre elas heroína, cocaína e haxix, evitando que o detido colocase esta droga no mercado. Ao parecer, xa tiña preparadas as doses para a súa venda. 

A droga tería un valor no mercado de preto de 5.000 euros. Pesaba sobre el unha orde de busca e captura. Despois de prestar declaración ingresou no cárcere do Pereiro de Aguiar.