A Garda Civil localizou en bo estado de saúde un octoxenario do municipio de Coles, de 88 anos de idade, identificado como Arturo Montes Álvarez, que faltaba do seu domicilio desde a tarde de onte martes, 20 de abril.

Segundo informou a Comandancia de Ourense, o veciño de Pereira-San Eusebio, foi localizado "en perfecto estado de saúde", en Carballedo, na provincia de Lugo. 

Durante o operativo, os axentes atoparon en primeiro lugar o vehículo que conducía na zona de Carballedo, na provincia de Lugo e finalmente localizaron ao home. 

O home explicou que fora "de compras", relataron.