Veciños de San Pedro de Visma, na Coruña, rebélanse contra o abandono dos soares que rodean as súas casas. Piden que se limpe un camiño que está cheo de maleza onde, segundo contan, viven ratos de gran tamaño. Din que así poderían vivir tranquilos e comunicados co resto da veciñanza.

Desesperado. Así di que está Sabino, este veciño de San Pedro de Visma, ante a situación de abandono que sofre esta parte do barrio coruñés. Conta que debaixo de toda esta maleza hai un camiño público que non poden utilizar.

Din que levan case catro anos esixindo que limpen toda esta zona, que amais os deixa incomunicados con boa parte dos seus veciños.

Queren que tomen medidas axiña porque temen que coa chegada da primavera e do verán o problema vaia a máis.