Dez partidos, sete vitorias e tres empates. Jesús Ramos asina no banco do Pontevedra o mellor inicio nos últimos cincuenta anos.

Foxe de eloxios o único técnico que non perdeu ningún dos seus dez primeiros partidos e o que máis puntos sumou, 24.

Resultados que, polo momento, o acompañan nas dúas etapas á fronte do equipo.

A primeira foi a temporada pasada, como interino. Dirixiu dous partidos tras o cese de Luismi e antes da chegada de Carlos Pouso. Coa destitución do preparador vasco, volveu facerse cargo do Pontevedra tres xornadas, ata que chegou a pandemia. Convenceu a directiva e comezou o seu proxecto. Este curso leva cinco encontros: tres vitorias e dous empates.

Datos positivos que porá a proba o sábado o Compostela.