Iván, que continúa ingresado na UCI, asegura que foron días especialmente duros e que aínda lle queda moito. Di que quere dar as grazas a toda a xente que o apoiou, a amigos e compañeiros que non lle fallaron e fixeron que levara o sucedido moito mellor. O axente tamén ten palabras de agradecemento para o persoal médico do hospital de Barcelona.

Iván será recoñecido como vigués distinguido en marzo do ano que vén. A cidade de Vigo pretende transmitirlle así o seu cariño tanto a el como a toda a Policía Nacional, aos Mossos d'Esquadra e á Garda Civil polo seu traballo en Cataluña en defensa da Constitución.