O piloto cambrés Iván Ares acabou a temporada cun terceiro posto no Rally Comunidade de Madrid, celebrado integramente no circuíto do Jarama. 

A proba, que contou con catro treitos, foi dominada por Pepe López que vencera semanas atrás o campionato de España de Rallys. López sacoulle 11 segundos a Cohete Suárez e 15 a Ares, repetindo na proba a clasificación xeral do CERA.

Ares marcou o mellor tempo no último treito da temporada, pero non puido recuperar os sete segundos que tiña perdidos con Suárez para quitarlle a segunda posición. 

O ourensán Javier Pardo acabou na duodécima posición a máis de tres minutos do gañador.