É pequeno en tamaño e a primeira vista parece un ser bastante simple. Pero o mexillón ten máis do dobre de xenes ca un ser humano. Investigadores do CSIC e da Universidade de Vigo conseguiron secuenciar o seu xenoma completo. E á vista dos resultados, considérano un superorganismo mariño.

"O mexillón ten 60.000 xenes", di o investigador da Universidade de Vigo David Posada. "Deles, o 20% poden variar en distintos individuos e cremos que están destinados á adaptación. Iso é un panxenoma, que coñecemos en bacterias, pero que nunca se vira en animais".

Estudar a capacidade do mexillón para cambiar o seu xenoma e así combater as súas enfermidades pode ser de gran axuda.

Podemos entender como xerar proteínas, como se defende mellor, etc. O mesmo que pasou co xenoma humano, que axudou a entender moitas enfermidades humanas. Neste caso axudaría a entender enfermidades do mexillón".

A investigación servirá ademais para mellorar a produción e calidade deste molusco. Con 250.000 toneladas anuais, Galicia é o segundo produtor mundial de mexillón despois da China.