Investigan se o veciño das Nogais que faleceu nas últimas horas no hospital de Lugo morreu pola picadura dunha abella. O home, ao parecer, tiña unha doenza cardíaca e non presentaba síntomas de sufrir un shock anafiláctico. Tampouco era alérxico.

As primeiras informacións apuntaban como causa da morte a picadura porque antes de desmaiarse o home díxolle á súa muller que o picara unha abella. Será agora a autopsia a que aclare as causas da súa morte.

O home entrou en parada cardiorrespiratoria e foi trasladado en helicoptero ao hospital lugués.