Axentes do equipo de investigación de incendios da Policía Científica da Garda Civil entraban esta mañá na nave industrial que o lume calcinou o luns no polígono da Piadela en Betanzos. Inspeccionan zona a zona co obxectivo de determinar a orixe a as posibles causas do incendio.

Debido á magnitude das instalacións e ao estado en que quedou tras o incendio os labores de inspección poderían estenderse durante varios días. Unha vez rematen o seu traballo será a quenda dos inspectores forenses da compañía aseguradora.

Malia estar acordoado e prohibido o paso, na xornada de onte varias persoas achegáronse á nave para roubar material.

Mentres esperan os informes da Policía Xudicial, solicitaron poder proceder ao tapiado das portas para evitar os roubos.