O recentemente rematado inverno foi en Lugo unha estación de récord. Foi anómalo por ser seco e sobre todo moi cálido, especialmente no mes de febreiro, e rexistráronse temperaturas medias moi por encima do habitual ás máis altas dende 1951, data dos primeiros rexistros.

Predominaron as altas presións, con anticiclóns de bloqueo que protexían das borrascas e tamén da neve e as xeadas.

En Lugo capital, a temperatura media de febreiro foi de 10 graos e Aemet mesmo chegou a rexistrar as mínimas máis altas da historia dende que hai rexistros na cidade, acadando os 12,6 graos.