Internos do cárcere de Monterroso participan nun proxecto de reciclaxe. Transforman pezas de roupa en bolsas de tea, unha iniciativa na que traballan os valores didácticos e o respecto ao medio ambiente.  

Cos patróns xa deseñados, cortan e adaptan a prenda antes de cosela para elaborar unha bolsa de tea. Son alumnos do centro de adultos do cárcere de Monterroso, que participan nun proxecto de reciclaxe.
É unha iniciativa na que non só aprenden a facer as bolsas coas prendas de refugallo que eles mesmos achegan, senón tamén valores fundamentais na vida.

O obradoiro impártese dentro do programa didáctico da escola. Os alumnos traballan con obxectos que nunha primeira impresión poden parecer perigosos, pero na práctica é unha proba máis da súa implicación e responsabilidade.

A actividade responde ao lema “unha segunda oportunidade”, e non alude exclusivamente ao uso da tea.

Non é o primeiro obradoiro relacionado co desenvolvemento sostible neste centro penitenciario; tamén teñen un horto e un invernadoiro feito con material de refugallo.