Os Carabineiros de Milán interceptaron este luns unha carta dirixida ao papa Francisco que contiña tres balas, segundo confirmaron fontes do corpo militar. A carta foi interceptada no centro de clasificación postal de Peschiera Borromeo, na provincia de Milán, e inmediatamente interviñeron os Carabineiros do departamento de San Donato Milanese, que abriron unha investigación baixo a autorización da fiscal adxunta de Milán, Alessandra Cerreti.

O xornal Correr della Sera di que a carta contén tres balas de calibre de 9 milímetros e unha mensaxe relativa ao último caso das operacións financeiras no Vaticano.

A axencia Adnkronos informou que a carta foi enviada desde Francia e o destinatario estaba escrito con bolígrafo e non era moi lible. O que si se podía identificar: "Papa - Cidade do Vaticano, Praza S. Pedro en Roma".