A Garda Civil detecta un coche que circulaba a 229 quilómetros por hora no Corgo, na autovía A-6.
Os axentes déronlle o alto ao condutor deste Porsche Panamera este mediodía. Foi pouco despois de que un radar o sorprendera circulando a 229 quilómetros por hora, nun treito limitado a 120.

É o terceiro caso en tres días; outros dous condutores foron detectados o xoves a velocidades próximas aos 200 quilómetros por hora.