Rematadas as votacións telemática e presencial das primarias de Ciudadanos, acabamos de coñecer os resultados. Inés Arrimadas venceu con claridade. Conseguiu case un 77 por cento dos votos nesta consulta á militancia. Uns 20.700 afiliados estaban chamados a elixir esta fin de semana o seu novo líder.

Arrimadas superou con claridade os outros dous aspirantes: Francisco Igea, do sector crítico, que podiamos ver votando esta mañá en Valladolid, e un terceiro candidato, o militante valenciano Ximo Aparici.