Abel recíbenos ás portas do seu restaurante de Lugo. Ía inauguralo o pasado 16 de marzo, pero a declaración do estado de alarma estragou os seus plans. Con todo, non perdeu a ilusión e aproveitou este tempo parado para adaptarse á situación e agora ultiman os preparativos para abrir as súas portas o venres.

Como a súa actividade aínda non comezara, non podían acceder a axudas e xa tiñan gastos aos que facerlles fronte. Pero máis que facturas, o que tiña eran ganas de comezar e organizouse para adaptarse ás novas medidas.

Produtos frescos, de calidade e de proximidade son os piares deste emprendedor que acende agora os seus fogóns para facerse un oco na gastronomía lucense.