A Garda Civil identificou o condutor do vehículo que fuxiu, no concello de Outes, tras atropelar un home que circulaba en patinete. O sinistro produciuse no serán do xoves na localidade de Ro, na estrada comarcal que conecta con Muros.

O ferido, de 65 anos, foi trasladado ao Complexo Hospitalario de Santiago. O condutor vai pasar nas próximas horas a disposición xudicial, investigado por un delito de abandono do lugar do accidente.