A compañía Iberdrola pechou un acordo con Navantia e coa asturiana Windar para construír futuros parques eólicos mariños, por valor de 400 millóns de euros.

O convenio contempla a posta en marcha dunha fábrica de compoñentes nos terreos do estaleiro de Fene, que se encargará de subministrar pedidos para eses proxectos de Iberdrola previstos entre 2023 e 2025.

Iberdrola e Navantia levan sete anos de colaboración con proxectos en todo o mundo que suman preto de 1.300 millóns de euros.