Este luns 19 de abril entran en vigor as mudanzas no mapa de restricións en Galicia. No nivel máximo quedan os concellos da Pobra do Caramiñal, Carballeda de Valdeorras, O Grove e Cualedro. Estes catro municipios manterán un peche perimetral ata novo aviso e a actividade hostaleira non estará permitida.

No nivel alto de restricións quedan os concellos de Barreiros, Boimorto, Boiro, Cortegada, Padrenda, Cambre, Lobeira, O Barco de Valdeorras e Rubiá. Neles a hostalaría si estará aberta, mais só nas terrazas e cunha ocupación máxima do 50 %.

No nivel medio atópanse os concellos da Illa de Arousa, A Pobra do Brollón, Carral, O Irixo, As Neves, Cangas, Meis, Ribadumia, Sanxenxo, Vilanova de Arousa, As Pontes de García Rodríguez, Cambados, Catoira, Marín, Meaño, Meira, Muxía, Ortigueira, Soutomaior, Trabada, Vilaboa, Vilagarcía de Arousa, Gondomar e Ribeira. Permítese a hostalaría no interior ao 30 % mantense no exterior a limitación do 50 % de ocupación.

Para o resto de municipios, en nivel medio-baixo, amplíase a ocupación tanto en interior (que pasa ao 50 %) coma no exterior (ata o 75 %).