E na Fórmula Un, dominio dos Mercedes en Silverstone. Hamilton logrou a pole, malia un trompo sufrido na Q2, cunha diferencia de tres décimas sobre o seu compañeiro Valtteri Bottas, o único que pode soñar con facerlle sombra. O resto dos coches, a máis dun segundo, co Red Bull de Max Verstappen ocupando a terceira praza da grella de saída. Os Ferrari melloraron algo as súas prestacións, mentres que Carlos Sáinz fixo o sétimo mellor tempo co seu McLaren.