As autoridades de Haití conmemoraron cunha ofrenda floral en Porto Príncipe as miles de vítimas do sismo que asolou a illa en xaneiro de 2010 cunha magnitude 7.0 na escala de Richter. Daquela, as cifras conmocionaron a toda a sociedade internacional: máis de 300.000 mortos, outros tantos feridos e un millón e medio de desprazados. Logo de nove anos, Haití non parece máis preparado para enfrontarse a catástrofes deste tipo e mesmo moitas persoas viven baixo carpas desde aquel tráxico 12 de xaneiro.