Preto dun milleiro de persoas, moitas menores, protagonizaron esta noite disturbios graves en Burgos ao inicio do toque de queda, con enfrontamentos violentos coa Policía e lanzamento de pedras, queima de contedores e estragos no mobiliario urbano. Os altercados comezaron no barrio de Gamonal e logo estendéronse a outros da cidade. Comezaron ás dez da noite, cando empeza o toque de queda decretado en Castela e León para conter a expansión do coronavirus. A Policía realizou varias cargas contra os manifestantes. O presidente autonómico, Alfonso Fernández Mañueco, fixo un chamamento á responsabilidade.