O día grande do Entroido vai ser na mesa, na da casa de cadaquén. Foi difícil atopar un escaparate ateigado das larpeiradas deste tempo porque a demanda acabou coa exhuberancia que sae dos obradoiros acotío.

A ausencia da vida social e da hostalería non poden co espírito festivo e a comida é practicamente a única vía de demostralo. En pandemia, cada celebración dobra o seu valor, porque racha coa rutina.

Velaí o outro triángulo máxico do Entroido. Filloas recheas de crema, orellas e flores son, por esa orde, as delicias máis solicitadas.