E o secretario xeral do PSdeG-PSOE, Gonzalo Caballero, estivo esta mañá de visita en Lugo nun acto de precampaña coa alcaldesa e outros cargos socialistas. Alí defendeu o estatuto proposto polo Goberno para as empresas electrointensivas, coma a luguesa Alcoa. 

"O Goberno de España está cumprindo, é unha boa nova que exista por primeira vez na historia do noso país un estatuto para as empresas de consumo electrointensivo, é un avance, era unha cuestión pendente e o Goberno está cumprindo. E haberá que seguir avanzando en todas as medidas necesarias a carón do Goberno e dos traballadores", asegurou Caballero.