Galicia recibiu 1,3 millóns de máscaras do total de 33,2 millóns (o 4% de toda España) distribuídas polo Goberno central entre as comunidades durante o estado de alarma polo coronavirus. As comunidades autónomas recibiron o luns preto de 10 millóns de máscaras e máis de 4,6 millóns de luvas por parte do Goberno, segundo informou o Ministerio de Sanidade nun comunicado. Así, desde o pasado 10 de marzo e ata este luns, 6 de abril, o Goberno repartiu máis de 54,3 millóns de unidades entre test, dispositivos de ventilación e material de protección.

Nas últimas 24 horas repartíronse 9.976.313 máscaras, co que se eleva a 33,2 millóns o número de máscaras distribuídas entre as autonomías ata a data. A comunidade que máis máscaras recibiu ata o momento sido a de Madrid, que puido dispoñer de 8.468.999 unidades (o 25% do total), seguida de Cataluña, con 6.212.499 unidades (o 18,6%), e Andalucía, con 3.064.153 unidades (o 9,2% do total). Aragón recibiu 760.236, Asturias 525.565, Baleares 512.793, Canarias 740.506 e Cantabria 353.274.

Pola súa banda, Castela-A Mancha recibiu 2.023.433, Castela e León, 2.175.927; Estremadura, 627.741; Galicia, 1.355.739; A Rioxa, 570.000; Murcia, 539.505; Navarra, 745.876; País Vasco, 2.013.393; Comunidade Valenciana, 2.291.477; Ceuta, 126.879, e Melilla, 125.394.