O remeiro Franco Cobas é un dos primeiros olímpicos galegos. Participou en Roma 1960.

E nos últimos días visitou a Caetano Horta en Noia. Aí os teñen Franco Cobas e Caetano Horta. Pasado e presente do remo galego. Charla de deporte e remo a poucas semanas de que Horta, dezaoito anos, viva o soño que viviu Cobas en 1960 e participe nunha olimpíada.

Cobas ten claro o seu consello: "O único que lle podo dicir pola miña experiencia é que non vaia condicionado, que goce do que son os xogos olímpicos".