Filipe VI conxela o seu soldo e destina a asignación de seu pai a outras partidas. O rei vai percibir este ano 254.000 euros brutos, a mesma cantidade que en 2020. Dona Letizia recibirá case 140.000 e a raíña Sofía 114.000.

O xefe do Estado non aplica a suba salarial do 0,9 por cento dos funcionarios, como si fixo en exercicios anteriores. A contía da asignación que recibía o rei emérito vaise destinar, entre outros fins, á renovación dixital da Casa Real.