Ferrol rende homenaxe, coma cada 10 de marzo, aos dous traballadores dos estaleiros de Bazán asasinados pola ditadura franquista no 1972.

Sindicatos e grupos políticos participaron na ofrenda floral, no barrio de Recimil, e nunha marcha posterior coa que tanto o alcalde da cidade coma o líder de Comisións Obreiras instaron a seguir loitando pola mellora das condicións laborais no Día da Clase Obreira Galega e nun momento político especialmente significativo.