CRTVG

Buscar

Fernando Vázquez quere ver un Deportivo con máis chispa

Publicado o 27/11/2020 19:37

Fernando Vázquez quere ver engalar o Deportivo, nota unha falta de ritmo no seu equipo.

Fernando Vázquez, adestrador R. C. Deportivo "Ao equipo estalle custando levantar o voo, levantar as alas, rodar polo campo con máis fluidez. Como se fósemos aínda algo pesados, que estivésemos aínda nunha marcha monótona e que nos faltase chispa"

Esa chispa espera sacala no duelo ante o Rácing de Ferrol, un rival directo

Fernando Vázquez, adestrador R. C. Deportivo "Eu creo que é un equipo forte, un equipo con posibilidades e con individualidades importantes e que non vai ser doado para nós"

Bota de menos, o de Castrofeito, a afección en Riazor

Fernando Vázquez, adestrador R. C. Deportivo "O primeiro partido con mil eu sentíame totalmente empoderado e creo que o equipo logrou a vitoria por iso, foi unha sensación que me gustaría ter todos os domingos e especialmente neste que un derbi entre Deportivo e Rácing, Riazor cheo sería espectacular"

Non poderá ser, pero si que o poderán ver pola nosa segunda canle. Un derbi que non se disputaba en Segunda B desde hai corenta anos.

Noticias web

27/11/2020